Saammaateqatigiinnissamut isumalioqatigiissitaq: namminersulivinnissammut siuariaatissaq?

Volume 17, no. 2 (2022), Fieldwork Report Kalaallisut

Saammaateqatigiinnissamut isumalioqatigiissitaq qanoq kinguneqarpa? Ullumikkut inuit qanoq isumaqarfigivaat? Kalaallit Nunaata nunasiaataajunnaarnissamut periusissanut qanoq attuumassuteqarpa?

Oktoberi Novembarillu qaammataanni 2021 Nuummiinninni apeqqutit tamakku kalaallinut apeqqutigivakka. Paasivara inuit amerlanerit suliap ingerlanera isumaqatigingaluarlungu, neriuutigineqartutut angusaqarfiusimanngilaq.

2014-miit 2017 tungaanut Saammaateqatigiinnissamut isumalioqatigiissitaq ingerlanneqarpoq. Ataatsimiititaq tallimat missaani ilaasortaqarnikuuvoq piffissalli ingerlanerani ilaasortat allanngortarlutik. Ammasumik 33-riarluni ataatsimiititsivoq 850 missaannit peqataaffigineqartunik. Nalunaarusiaq 2017-meersumi innersuussutit arfineq marluk ilanngunneqarput. Taamaakkaluartoq aaqqissuussamik nanginneqarnikuunngillat, innersuussutillu aqutsinikkut atuutinneqalernikuunatik.

Isumalioqatigiissitap siunertarivaa Kalaallit “nunasiaataajunnaarnissamut periareersassallugit”. Nunasiaataajunnaarnissamut periaarersarneq ingerlanneqartarpoq inuiaat eqqarsartarneri allanngorsassallugit, nunasiaatillit pingaarnertut inissisimajunnaartinniarlugit nunasiatullu kultur peerniarlugu. Taamaasiornikkut nammineq kultur namminerlu pisinnaanermut imminnut tatigiartuaalernissaat siunertaalluni. Imaalluarsinnaasoq isumaq tamanna kalaallinut erseqqarippallaarsimanngittoq, nassuarluarneqarsimannginnami. Kingunerivaa Isumalioqatigiissitap suna siunertarineranut nangaaneq inuillu qanoq suliami nammineq akuussanerlutik. Akerlianik assersuusiussagaanni, Canadian Truth and Reconciliation Commission atuarfeqarfinni aqutseriaaseq ukkatarivaa, akilinermiunut nunaqavissunut nuunnikunullu erseqqissumik paasinarnersumik ingerlallanneqarluni.

Aallaqqaataaniilli Isumalioqatigiissitani ilaasortat isumaat assingiinngereerput, Suliakkiissutip suna siunertarineraa erseqqinngimmat. Qallunaat Ministeriunerat nalunaarpoq suliap ingerlanneqarnerani Danmark peqataassanngitsoq, tamannalu kalaallini siunertap kisermaassillutik piviusunngornissaanut nangaatitsivoq. Aningaasanik missingersornerit annikingaarmata Isumalioqatigiissitap najungaqarfiit tamakkerlugit tikissinnaanngilai, uppernarsaatinillu katersisinnaanatik, kingunerivaa annertunerusumik angusaqannginnerat.

Kalaallit Nunaanni politikkikkut pisut aamma suliap ingerlanneqarneranut akornusiipput. Siulittaasup (Aleqa Hammond) Isumalioqatigiissitaq aallartippaa tunniusimaffigilluarlungulu, sivittunngittorli nutaamik Siulittaasutaarpoq (Kim Kielsen). Kielsen suliamut tapersiinngilaq. Saniatigullu politikkerit arlallit Aleqa Hammond tapersiinngereersut, allanittaaq peqquteqartunik suliaq tapersinngilaat. Tusagassiutitiguttaaq Isumalioqatigiisitaq pitsaanngitsuunerusunik saqqummiunneqakkajunnerusarluni.

Ullumikkut Isumasioqatigiisitap nalunaarusiaa eqqaaneqarpiartanngilaq, eqqaassanngikkaanni – assersuutigalungu Inatsit tunngaviusussaq pillugu Isumalioqatigiissitat, the Inuit Pisinnaatitaaffii pillugit Siunnersuisoqatigiit imaluunniit Inatsisartuni. Nalunaarusiuami siunnersuutigineqarpoq ammasumik, siumoortumik Kalaallit Nunaanni akuersaarneq atuutinneqalissasoq. Kisiannili aatsitassarsiorneq oqallisaalikuttormat siunnersuutit eqqaaneqanngillalluunniit, naak aattaat tulluarneruleraluartut. Isumasioqatigiisitaq akissaajaatitut isornartorsiorneqartarpoq, allanik pingaarnersiuinissaq ujartorneqarluni. Tamanna Eva-Luusi Marcussen-Mølgaard allaaserisamini “imminut eqquuttussatut” oqaatigivaa. Siunnersuutit atuutilinnginneqarnerattaaq tunngavittut atorneqarluni.

Isumasioqatigiisstaq pillugu isumaqarpunga “periarfissatsialak arajutsisaq”. Nunasiaataaneq qaangerniartillugu Saammaasseqartigtiinneq pingaaruteqarmat. Kisiannili Kalaallit Nunaanni Isumasioqatigiit killilimmik naammassisaqarput, aporfiit taakkartorneqartut peqqutaallutik.

Saammaasseqatigiinnissamut Isumalioqatigiisitami misilittakkat Sápmi-nik (Saami nuunaat Norge-mi, Sverige aamma Finland-imiittut) atorluarneqakuttoorsinnaapput. Isumasioqatigiittussammi Kalaallit Nunaanni suliamut akornutaanikut pinngittoortissinnaassuai.

2014-2017 Saammaasseqatigiinnissamut Isumasioqatigiit nunasiaataajunnaarnissamut periuseq siulliinnaavoq. Kalaallit Nunaat Danmark isumaqatiginiartuaannarpaa Naalagaaffimmiit akisussaaffiit tingoorarniarlugit. Tunngaviusumik inatsisissat namminersulivinnissamut allaqqitassiaatigivai. Imaalluarsinnnaasoq Saammaasseqatigiinnissamik Isumasioqatigiit pilersinneqaqqikkumaarttut, tamatumuuna Danmark peqataatillugu. Imaalluarsinnaasortaaq suliamik aallartitsisoqartoq “imminut nunasiaatigineq” Nuumminngaanniit pilersoq, Inughuit Tunumiullu aqunneqarnerat paasiniassallugu. Akilinermi, Afrika-milu misilittagaat erserpoq saammaasseqatigiinneq ukiualuni anguneqarsinnaanngittoq, kisiannili kinguaariit ingerlaneranni anguneqartarluni.

—

Nittartagarput takuuk

—

Nutserisoq: René Sivertsen

About Rachael Lorna Johnstone

Rachael Lorna Johnstone is professor of law at the University of Akureyri and at Ilisimatusarfik (the University of Greenland). Professor Johnstone specialises in Polar law: the governance of the Arctic and the Antarctic under international and domestic law. She has published widely on the rights of Indigenous Peoples, international human rights law, governance of extractive industries in the Arctic, international environmental law, state responsibility and due diligence, and Arctic strategies. Her books include the Routledge Handbook of Polar Law (Routledge 2023) with Yoshifumi Tanaka and Vibe Ulfbeck; Regulation of Extractive Industries: Community Engagement in the Arctic (Routledge 2020) with Anne Merrild Hansen; Arctic Governance in a Changing World (Rowman and Littlefield 2019) with Mary Durfee; Offshore Oil and Gas Development in the Arctic under International Law: Risk and Responsibility (Brill 2015); and Mannréttindi í þrengingum (University of Akureyri & Iceland Human Rights Centre, 2011) with Aðalheiður Ámundadóttir. Professor Johnstone is an active member of the International Law Association and two thematic networks of the University of the Arctic: on Arctic Law and on Sustainable Resources and Social Responsibility. She is a member of the board of the Icelandic Human Rights Center. She is also a member of the Arctic Circle Mission Council on Greenland in the Arctic and serves on the advisory board of the Polar Research and Policy Initiative. She is the deputy member for Iceland on the Social and Human Working Group of the International Arctic Science Committee. Professor Johnstone holds a doctorate in juridical science from the University of Toronto (2004), an M.A. in Polar Law from the University of Akureyri (2014), an LL.M. (magna cum laude) in Legal Theory from the European Academy of Legal Theory (2000) and an LL.B. (Hons) from the University of Glasgow (1999).